"ПСЖ" бош мураббийи Лоран Блан ҳамон "Ньюкасл" яримҳимоячиси Йоан Кабайга қизиқмоқда.
"Ҳозирча у "Ньюкасл" ўйинчиси бўлиб қолмоқда. Аммо уни ҳарид қилиш ҳаракатидан тўхтаганимиз йўқ. Биламан, "Тоттенхэм" ҳам ҳали унинг трансферидан умидини узгани йўқ", дея Бланнинг сўзларидан иқтибос келтирмоқда "Sky Sports".
Айни пайтда "Ньюкасл" бош мураббийи Алан Пардьюнинг фикрлари қуйидагича янграган:
"Лоран Блан агар бизнинг ўйинчимизга қандайдир таклифи бўлса менга телефон қилиши ёки шахсан учрашиши мумкин эди. Лекин у бундай қилмаяпти. Бу клубимизни ҳурмат қилмаётганидан дарак", деди Пардью.
