Ҳужумчи Килиан Мбаппе "Реал"нинг айрим футболчиларига эътироз билдирмоқда. The Touchline нашрининг ABC телеканалига таяниб хабар беришича, Мбаппе бу мавсумда жамоадошларининг масъулиятсиз хатти-ҳаракатларидан жуда чарчаган.
Чоршанба куни "Реал" сафарда "Бенфика"га 2:4 ҳисобида ютқазди. Килиан Мбаппе "қаймоқранглилар" сафида иккала голга ҳам муаллифлик қилди. Умумий босқичнинг сўнгги тури якунларига кўра, мадридликлар Чемпионлар Лигаси турнир жадвалида учинчи ўриндан тўққизинчи ўринга тушиб кетди. Натижада "Реал" бирданига 1/8 финалга чиқа олмади ва плей-оффда иштирок этади.
"Реал" навбатдаги ўйинни 1 февраль куни ўтказади. Шу куни "қаймоқранглилар" "Райо Вальекано"га қарши дербида майдонга тушади.
