«Бавария» ҳимоячиси Дайо Упамекано келажаги бўйича кутилгандан эртароқ қарор қабул қилииши керак. Илгари мюнхенликлар футболчи февраль ўртасигача жавоб бериши кераклиги айтилган эди, аммо Bild инсайдерлик маълумотини янгилаб, охирги муддат сифатида 1 февраль, якшанба кунини кўрсатди.
Аввалроқ «Бавария» спорт директори Макс Эберль клуб 27 ёшли футболчидан жавоб кутаётганини билдирган эди. ОАВда таъкидланишича, клубнинг позицияси қатъий — таклиф якуний ва яхшиланмайди.
Упамеканонинг «Бавария» билан амалдаги шартномаси мавсум охиригача мўлжалланган. Мюнхен жамоаси навбатдаги ўйинини 31 январь куни Бундеслигада сафарда "Гамбург"га қарши ўтказади.
