Европа лигасининг 2025/2026 йилги мавсуми умумий босқич ўйинлари якунланди. Унинг натижаларига кўра, энг кўп гол урган футболчи «Лудогорец» жамоасининг сербиялик ярим ҳимоячиси Петар Станич бўлди. У саккизта учрашувда 7 та гол урди (шулардан учтаси пенальтидан) ва тўпурарлар пойгасида биринчи ўринни эгаллади.
6 тадан гол билан Португалиянинг «Брага» клуби ҳужумчиси Родриго Саласар ҳамда «Ноттингем Форест» форварди Игор Жезус иккинчи натижани қайд этди.
Европа лигаси плей-офф босқичига чиқиш учун ўтиш ўйинлари қуръаси 30 январь куни Ньондаги Европа футболи уйида бўлиб ўтади. Турнир финали эса Истанбулдаги «Бешиктош» стадионида ташкил этилади. Ҳал қилувчи ўйин 2026 йил 20 май куни ўтказилади.
