“Барселона” дарвозабони Жоан Гарсия клубдаги келажаги ҳақида фикр билдирди. Испаниялик футболчи учун Ханс-Дитер Флик жамоасидаги дебют мавсуми муваффақиятли ўтмоқда. Ўтган ёзда дарвозабон “Эспаньол”дан 25 миллион евро эвазига сотиб олинган эди.
“Ўзимни “Барселона”да узоқ йиллар қоламан, жамоа билан кўплаб совринларни қўлга киритаман деб тасаввур қиламан. Илк совриним аллақачон қўлга киритилди [Испания Суперкубоги], биз барча мусобақаларда курашни давом эттиряпмиз. Катта орзуларим бор, аммо энг муҳими — навбатдаги ўйин”, — дея Гарсиянинг сўзларини келтиради Sport нашри.
Айни пайтда “Барселона” Ла Лига турнир жадвалида етакчилик қилмоқда ва Мадриднинг “Реал” клубидан бир очкога олдинда бормоқда.
