Албаниялик ярим ҳимоячи, Миланнинг “Интер” клуби футболчиси Кристиан Аслани Туркия Суперлигасига йўл олмоқда. Инсайдер Фабрицио Романо хабарига кўра, 23 ёшли футболчининг янги жамоаси Истанбулнинг “Бешиктош” клуби бўлади.

Аслани турк гранди билан 2025/2026 йилги мавсум якунигача мўлжалланган ижара шартномасини имзолайди. Битимда футболчини тўлиқ сотиб олиш имконияти ҳам назарда тутилган.

Мавсумнинг биринчи ярмида Кристиан ижара асосида “Торино” сафида ҳаракат қилди. Албаниялик хавбек Италия чемпионатида 15 та ўйинда майдонга тушди, аммо голли ҳаракатлар билан ажралиб тура олмади.

Айни пайтда Туркия чемпионатида “Бешиктош” бешинчи ўринда бормоқда.