Франкфуртнинг "Айнтрахт" клубида тўп тепаётган чап қанот ҳимоячиси Натаниэль Браун "Манчестер Юнайтед" диққат марказига тушди.

Англия гранди ҳимоянинг чап қанотини кучайтириш вариантларини қидирмоқда ва 22 ёшли футболчи асосий номзодлардан бири сифатида кўрилмоқда, деб хабар беради TEAMtalk. «Қизил иблислар» скаутлари Брауннинг ўйинини баҳолаш учун яқинда Чемпионлар лигасидаги "Тоттенхэм"га қарши учрашувда ҳам бўлишган.

Transfermarkt маълумотларига кўра, Брауннинг бозор қиймати 35 миллион еврога баҳоланмоқда. У жорий мавсумда 27 та ўйинда иштирок этиб, 1 та гол урди ва 6 та голли узатма амалга оширди. Шунингдек, у Германия миллий жамоаси сафида 2 та ўйин ўтказган.