Frankfurtning "Ayntraxt" klubida to‘p tepayotgan chap qanot himoyachisi Nataniel Braun "Manchester Yunayted" diqqat markaziga tushdi.
Angliya grandi himoyaning chap qanotini kuchaytirish variantlarini qidirmoqda va 22 yoshli futbolchi asosiy nomzodlardan biri sifatida ko‘rilmoqda, deb xabar beradi TEAMtalk. «Qizil iblislar» skautlari Braunning o‘yinini baholash uchun yaqinda Chempionlar ligasidagi "Tottenxem"ga qarshi uchrashuvda ham bo‘lishgan.
Transfermarkt ma’lumotlariga ko‘ra, Braunning bozor qiymati 35 million yevroga baholanmoqda. U joriy mavsumda 27 ta o‘yinda ishtirok etib, 1 ta gol urdi va 6 ta golli uzatma amalga oshirdi. Shuningdek, u Germaniya milliy jamoasi safida 2 ta o‘yin o‘tkazgan.
