Ҳозирда "Вулверхэмптон" сафида тўп тепаётган норвегиялик форвард Йорген Ларсен АПЛнинг бошқа жамоасига ўтиши мумкин. Бу ҳақда инсайдер Фабрицио Романо ижтимоий тармоқларда хабар берди.
Манбага кўра, 25 ёшли скандинавнинг янги манзили "Кристал Пэлас" бўлиши эҳтимолдан холи эмас. «Бургутлар» «бўрилар» билан музокараларни муваффақиятли якунлаб, трансфер учун 52 миллион евро ҳамда бонуслар тўлашга тайёр.
Ларсен 2024 йилдан бери «Вулверхэмптон»да ўйнаб келмоқда. У жамоа сафида 61 та учрашувда иштирок этиб, 20 та гол урган.
