"Барселона" президенти Жоан Лапорта яримҳимоячилар Марк Берналь ва Марк Касадо билан хайрлашиши мумкинлиги ҳақида гапирди. Уларнинг иккаласи ҳам каталонияликлар тарбияланувчиси ҳисобланади.
"Марк Берналь ҳам, Марк Касадо ҳам жамоани тарк этмайди, чунки биз уларга ишонамиз", - дея Лапортанинг сўзларини келтиради Barca Universal.
Жорий мавсумда 18 ёшли Берналь барча мусобақаларни инобатга олган ҳолда 15 та ўйинда майдонга тушди ва ўз ҳисобига битта ассист ёздириб қўйди. 22 ёшли Касадо ҳисобида 21 та ўйин ва битта голли узатма бор.
Испания Ла Лигасининг 21-туридан сўнг "Барселона" 52 очко жамғаришга муваффақ бўлиб, мусобақа жадвалида пешқадамлик қилмоқда.
