"Barselona" prezidenti Joan Laporta yarimhimoyachilar Mark Bernal va Mark Kasado bilan xayrlashishi mumkinligi haqida gapirdi. Ularning ikkalasi ham kataloniyaliklar tarbiyalanuvchisi hisoblanadi.

"Mark Bernal ham, Mark Kasado ham jamoani tark etmaydi, chunki biz ularga ishonamiz", - deya Laportaning so‘zlarini keltiradi Barca Universal.

Joriy mavsumda 18 yoshli Bernal barcha musobaqalarni inobatga olgan holda 15 ta o‘yinda maydonga tushdi va o‘z hisobiga bitta assist yozdirib qo‘ydi. 22 yoshli Kasado hisobida 21 ta o‘yin va bitta golli uzatma bor.

Ispaniya La Ligasining 21-turidan so‘ng "Barselona" 52 ochko jamg‘arishga muvaffaq bo‘lib, musobaqa jadvalida peshqadamlik qilmoqda.