Лондоннинг "Арсенал" клуби бош мураббийи Микель Артета жамоасининг чап қанот ҳимоячиси Рикардо Калафьорининг ўзига хос ҳислатини айтди.

"Рикки жамоанинг ҳужум қилишида муҳим роль ўйнайди. Ва унинг ўзига хос хусусиятлари бор - бўш ҳудудларни эгаллаш, голли вазиятлар яратиш. Эҳтимол, бу уни бошқа қанот ҳимоячиларидан ажратиб туради. Ҳозир у соғлом ва эркин", - деди Артета "Лидс"га қарши ўйин олдидан ўтказилган матбуот анжуманида.

Эслатиб ўтамиз, Калафьори декабрь ойи охиридан январь ойи охиригача жароҳатини даволаган эди. Ҳозирда италиялик ҳимоячи яна майдонга тушишга тайёр. Рикардо 2024 йилнинг ёзида Европа чемпионатидан сўнг "Арсенал" футболчисига айланганди.