"Ливерпуль" ва Англия терма жамоасининг собиқ футболчиси Дэнни Мрфи Премьер-лиганинг бу мавсумдаги энг омадсиз трансферлари икки нафар швециялик ҳужумчи бўлганини айтди. Булар "Арсенал"дан Виктор Дьёкереш ва "Ливерпуль"дан Александер Исак. Мерфининг таъкидлашича, иккала ҳужумчи ҳам улар учун тўланган катта суммаларни оқлай олмаган.
Дьёкереш "Арсенал"га Португалиянинг "Спортинг" клубидан 73 млн евро эвазига ўтди. Швециялик футболчи клуб сафида 29 та ўйинда майдонга тушиб, 10 та гол урган ва 3 та голли узатмани амалга оширган.
Александр Исакнинг "Ньюкасл"дан трансфери "Ливерпуль"га 125 млн фунтга тушди ва АПЛ тарихидаги энг қиммат трансферга айланди. Ҳужумчи клуб сафида 16 та ўйинда майдонга тушиб, 3 та гол урди ва 1 та голли узатмани амалга оширди.
