Туркиянинг "Бешиктош" клуби грециялик 29 ёшли ҳимоячи Константинос Цимикасни сотиб олиш бўйича келишувга эришди. Футболчи "Ливерпуль"га тегишли, мавсум бошида Италиянинг "Рома" клубига ижарага берилган. Бу ҳақда футбол инсайдери Санти Ауна ёзмоқда.
Қайд этилишича, "Бешиктош" ҳали ўз қарорини ўзгартириб, "Лацио" вакили Нуно Таварешни афзал кўриши мумкин. Якуний қарор икки кун ичида қабул қилиниши керак.
Бундан ташқари, турк клуби мерсисайдликлардан грузиялик 25 ёшли дарвозабон Георгий Мамардашвилини ижарага олишни таклиф қилган. "Ливерпуль"га шартномани узайтириш имконияти билан мавсум охиригача ижара асосида 2 млн евро таклиф қилинган.
