"Манчестер Сити" бош мураббийи ёрдамчиси Пепейн Лейндерс вингер Жереми Докунинг Чемпионлар Лигаси умумий босқичидан ўрин олган "Галатасарой"га (2:0) қарши ўйинда олган жароҳати ҳақида гапирди.
"Бу аввалги жароҳатга ўхшаш жароҳат. Ўтган сафар уни тиклаш учун 18 кун керак бўлди. Ўйлашимча, бу сафар муддат бироз қисқароқ бўлади, лекин кўрамиз. Жереми - кучли ўйинчи," - дея Лейндерснинг сўзларини келтиради PA.
23 ёшли бельгиялик футболчи болдир мушакларидан жароҳат олган.
У 2025/26 йилги мавсумда 30 та ўйинда майдонга тушиб, 3 та гол урди ва 11 та голли узатмани амалга оширди. Доку 2023 йилдан бери "Манчестер Сити"да ўйнамоқда.
