"Лацио" ҳимоячиси Алессио Романьоли "Ал-Садд"га ўтиши мумкин эди, аммо трансфер сўнгги паллада барбод бўлди.
31 ёшли италияликнинг Роберто Манчини мураббийлигидаги жамоага ўтиши келишиб олинган, томонлар ҳужжатлар билан алмашишган, бироқ Қатар клуби мамлакатда қишки трансферлар ойнаси ёпилгунга қадар келишувни расмийлаштиришга улгурмаган.
Альфредо Педуллага кўра, римликлар аввалига Алессиони тахминан 10 миллион еврога сотишга рози бўлган, кейин кўпроқ сўрашган ва якунда трансферни ёпишга улгуришмаган.
Руди Галеттининг таъкидлашича, Романьоли "Лацио"га ўтиши керак бўлган 600 минг евродан воз кечишни истамагани учун трансфер амалга ошмай қолган.
