«Челси» ярим ҳимоячиси Энцо Фернандес АПЛ доирасида «Вест Хэм»га қарши ўйиндан кейин (3:2) фикрлари билан ўртоқлашди.
«Кўклар» биринчи таймдан кейин 0:2 ҳисобида ютқазаётган эди, аммо ўйинни ўз фойдасига буриб юборди. Ғалаба голини 92-дақиқада айнан аргентиналик хавбек урди.
“Челси” сафидаги 150-ўйинимни шундай нишонлаш – ақлга сиғмайди. Ўз уйимизда, мухлисларимиз олдида ажойиб ғалаба. Роҳатланинглар, “кўклар”!», – деб ёзди Фернандес ижтимоий тармоқларда.
Бу ғалабадан сўнг «Челси» чемпионатда 24 турдан кейин 40 очко билан жадвалда тўртинчи ўринга кўтарилди.
