«Chelsi» yarim himoyachisi Enso Fernandes APL doirasida «Vest Xem»ga qarshi o‘yindan keyin (3:2) fikrlari bilan o‘rtoqlashdi.

«Ko‘klar» birinchi taymdan keyin 0:2 hisobida yutqazayotgan edi, ammo o‘yinni o‘z foydasiga burib yubordi. G‘alaba golini 92-daqiqada aynan argentinalik xavbek urdi.

“Chelsi” safidagi 150-o‘yinimni shunday nishonlash – aqlga sig‘maydi. O‘z uyimizda, muxlislarimiz oldida ajoyib g‘alaba. Rohatlaninglar, “ko‘klar”!», – deb yozdi Fernandes ijtimoiy tarmoqlarda.

Bu g‘alabadan so‘ng «Chelsi» chempionatda 24 turdan keyin 40 ochko bilan jadvalda to‘rtinchi o‘ringa ko‘tarildi.