Испания Ла Лигасининг 22-тури доирасида «Реал» ва «Райо Вальекано» ўртасидаги учрашув якунланди. Беллашув Мадриддаги «Сантьяго Бернабеу» стадионида бўлиб ўтди. Майдон эгалари 2:1 ҳисобида ғалаба қозонди.
Учрашувда ҳисобни 15-дақиқада «Реал» вингери Винисиус Жуниор очди. 49-дақиқада «Райо Вальекано» ярим ҳимоячиси Хорхе де Фрутос мувозанатни тиклади. 81-дақиқада меҳмонлар ярим ҳимоячиси Пате Сисс тўғридан-тўғри қизил карточка олди. 90+10-дақиқада эса меҳмонлар дарвозаси томон пенальти белгиланди. Мезбонлар ҳужумчиси Килиан Мбаппе пенальтини аниқ амалга ошириб, «Реал»га ғалаба олиб келди.
Испания чемпионатининг 22 та ўйинидан кейин мадридлик «Реал» 54 очко жамғариб, турнир жадвалида иккинчи ўринни эгаллаб турибди. «Райо Вальекано» эса 22 очко билан 16-поғонада жойлашган.
Кейинги турда «Райо Вальекано» 7 февраль куни уйда «Овьедо»ни қабул қилади, «Реал» эса 8 февраль куни сафарда «Валенсия»га қарши майдонга тушади.
Испания — Примера. 22-тур
1 февраль 2026 йил, якшанба. 18:00.
«Реал Мадрид» (Мадрид) — «Райо Вальекано» (Мадрид) — 2:1
Голлар: 1:0 — Винисиус Жуниор (15'), 1:1 — де Фрутос (49'), 2:1 — Мбаппе (90+10, пенальти)
Четлатишлар: Сисс (80'), Чаварриа (90+14') — "Райо Вальекано"













