«Манчестер Юнайтед» Майкл Кэррик вақтинчалик бош мураббий этиб тайинланганидан кейинги илк учта ўйинда ғалаба қозонди.
Бугун «МЮ» АПЛнинг 24-тури доирасида уйда «Фулхэм»ни 3:2 ҳисобида мағлуб этди.
Бундан олдин Кэррик қўл остида манкунианлар «Манчестер Сити»ни (2:0) ва «Арсенал»ни (3:2) енгган эди. «МЮ» 41 очко билан жадвалда 4-ўринни эгаллаб турибди.
Эслатиб ўтамиз, 5 январь куни клуб Рубен Аморимни истеъфога чиқарган, Кэррик эса 13 январь куни 2025/26 мавсуми охиригача бош мураббий этиб тайинланган.
7 февраль куни «МЮ» АПЛнинг 25-турида «Тоттенхэм»ни қабул қилади.













