"ПСЖ" бош мураббийи Луис Энрике россиялик дарвозабон Матвей Сафоновнинг ўйини ҳақида фикр билдирди.
"Сафонов? Пенальтини қайтариш бўйича фаолиятимдаги энг яхши дарвозабон деб ҳисоблайман. У футболчи қайси томонга зарба беришини тахмин қилиш қобилиятига эга", - дея испаниялик мутахассиснинг сўзларини келтиради Footmercato.
26 ёшли россиялик футболчи Франция чемпионатининг 20-турида "Страсбур"га қарши сафар ўйинида (2:1) пенальтини қайтарди. У учрашувнинг энг яхши ўйинчиси деб топилди.
Сафонов 2024 йилнинг июлидан бери "ПСЖ"да ўйнамоқда. Унинг шартномаси 2029 йилнинг 30 июнига қадар имзоланган.
