Мадриднинг "Атлетико" клуби ҳужумчиси Александр Сорлот қишки трансферлар ойнаси ёпилиши олдидан "Ювентус"га кўчиб ўтиши мумкин.

"Кекса синьора" раҳбарияти янги ҳужумчи қидирмоқда ва муддат тугашидан олдин битимни ёпишга улгуриш учун мавжуд вариантларни фаол ўрганмоқда. Журналист Жанлука ди Марционинг маълум қилишича, Турин клуби Сорлотни нишонга олган. Яқин соатлар ичида 30 ёшли футболчи бўйича "матрасчилар" билан расмий музокаралар ўтказилиши мумкин.

Александр Сорлотнинг Transfermarkt порталидаги тахминий нархи - 20 млн евро. Жорий мавсумда норвегиялик Диего Симеоне жамоаси сафида барча мусобақаларда 30 та ўйинда майдонга тушиб, ўнта гол ва битта голли узатмани ўз ҳисобига ёздириб қўйди.