Мадриднинг "Реал" клуби узоқ вақтдан бери ҳимояланишда муаммоларга дуч келмоқда, бу эса ўтказиб юборилган голлар статистикасида ўз аксини топган. Ўтган йил бошидан буён "қаймоқранглилар" барча мусобақаларда 76та ўйинда 94та гол ўтказиб юборган. Opta хабарига кўра, Европанинг кучли бешлик чемпионатларида иштирок этган барча жамоалар орасида бу даврда фақат Франкфуртнинг "Айнтрахт" клуби "қироллик клуби"дан кўпроқ гол ўтказиб юборган (55 ўйинда 96та).
Альваро Арбелоа Мадрид грандининг Карло Анчелотти ва Хаби Алонсодан кейинги учинчи мураббийи ҳисобланади. Якшанба куни "Реал" "Райо Валекано" устидан қозонилган ғалабани 100-дақиқада Килиан Мбаппенинг пенальтидан урган голи эвазига илиб кетди (2:1). Жамоа Ла Лига жадвалида иккинчи ўринда бормоқда.
