"Барселона" бош мураббийи Ханс-Дитер Флик "кўк-анорранглилар"нинг Испания Кубоги 1/4 финалидан ўрин олган "Альбасете"га қарши ўйини олдидан жамоаси ҳужумчиси Рафинья жароҳат олгани ҳақида гапирди.
"Мени футболчининг жисмоний ҳолати безовта қилмаяпти, у ажойиб мавсум ўтказмоқда. Юзага келган вазиятдан норозиман. Жароҳатлар бундай ўйин тақвимида нормал ҳолат. Бу жуда оғир йўқотиш ва жамоа буни ҳис қилади. Биз ҳал қилувчи палладамиз ва у бизга керак," - дея Фликнинг сўзларини келтиради AS.
Аввалроқ, футболчининг ўнг сонини яқинлаштирувчи мушак чўзилгани аниқлангани ва у Испания кубоги ўйинини ўтказиб юбориши ҳақида хабар берилганди.
