ФИФА раҳбари Жанни Инфантино АҚШ президенти Дональд Трамп 2026 йилги жаҳон чемпионати гуруҳ босқичи қуръасида олган ташкилот томонидан таъсис этилган Тинчлик мукофотига муносиб эканлигини айтди.

"ФИФАнинг "Футбол дунёни бирлаштиради" шиори тинчликпарварлик билан ёнма-ён юради. Агар биз бирор нарса билан ёрдам бера олсак, буни қилишга мажбурмиз. Шу сабабли биз ҳам бу йўналишда меҳнат қилаётган инсонларни тақдирлаш ҳақида ўйладик. Жаноб Трамп бу мукофотга тўла ҳақли эди. У можароларни ҳал қилиш ва минглаб одамларнинг ҳаётини сақлаб қолишда муҳим роль ўйнади", - дея Жанни Инфантинонинг сўзларини келтиради Sky News.