Дортмунднинг "Боруссия" клуби марказий ҳимоячиси Нико Шлоттербек "Реал"нинг асосий трансфер нишонига айланди. Бу ҳақда The Touchline хабар бермоқда.
Манбага кўра, "қаймоқранглилар" Дайо Упамекано, Марк Гехи ва Жереми Жакени қўлга киритиш бўйича муваффақиятсиз уринишлардан сўнг, Шлоттербекка ўтишга қарор қилишган.
Таъкидланишича, "Реал" ёзда янги марказий ҳимоячи сотиб олишга жиддий бел боғлаган, аммо агар Шлоттербекни ҳам олиб кетишнинг иложи бўлмаса, унда клуб "Комо"да ўзини аъло даражада кўрсатаётган ўз тарбияланувчиси Хакобо Рамонга қайтади.
Жорий мавсумда 26 ёшли Шлоттербек барча мусобақаларда 25та ўйинда майдонга тушиб, 3та гол урган ва 2та голга ҳаммуаллифлик қилган. Футболчининг "Боруссия" билан шартномаси 2027 йилнинг ёзида якунига етади, Transfermarkt экспертлари унинг нархини 55 миллион еврога баҳоламоқда.
