Кенан Йилдизнинг "Ювентус"даги янги шартномаси бўйича қанча маош олиши маълум бўлди.
Италиялик таниқли журналист Николо Скиранинг маълум қилишича, тез орада "кекса синьора" раҳбарияти ва 20 ёшли Йилдизнинг агенти ўртасида янги учрашув бўлиб ўтади, унда томонлар ҳамкорликни давом эттириш ва 2031 йил июнь ойи охиригача амал қиладиган янги узоқ муддатли шартнома тузиш масаласини муҳокама қилади.
Қайд этилишича, Йилдиз янги шартнома шартларига кўра йилига 6 миллион евро атрофида маош олади.
Бу мавсумда Кенан Йилдиз "Ювентус" сафида 31 та ўйинда майдонга тушиб, 9 та гол урди ва 8 та голли узатмани амалга оширди.













