«Барселона» бош мураббийи Ханс-Дитер Флик Испания Кубоги 1/4 финали доирасидаги «Альбасете»га қарши ўйин (2:1) ҳақида ўз фикрлари билан ўртоқлашди. Каталонияликлар Ламин Ямал ва Рональд Араухонинг голлари эвазига Сегунда вакили устидан ғалаба қозонишди. Ўйин сўнгида майдон эгалари битта гол уришга муваффақ бўлишди, бироқ мувозанатни тиклай олишмади.

«Бу ўйинни асло осон бўлди деб бўлмайди — айниқса, унинг якунини. Биз ўз ишимизни ўзимиз қийинлаштириб юбордик. Бундай кубок баҳсларида доим қийин бўлади. «Альбасете» ушбу мусобақада ҳақиқий мўъжиза кўрсатди. Биз эса яна бир бор кўплаб голли вазиятларни кўкка совурдик. Охирги пайтларда имкониятлардан фойдаланиш борасида оқсаяпмиз — бу жиҳатни яхшилашимиз зарур», — дея Фликнинг сўзларини келтирмоқда Barca Universal.

Эслатиб ўтамиз, «Альбасете» 1/8 финал босқичида Мадриднинг «Реал» клубини мусобақадан чиқариб юборган эди (3:2).