Амстердамнинг «Аякс» клуби расмий сайтида янги футболчи — қанот ҳужумчиси Маэр Каррисо жамоага келиб қўшилганини эълон қилди.
19 ёшли футболчи Аргентинанинг «Велес Сарсфилд» клубидан 6 миллион евро эвазига сотиб олинди. Каррисо ва «Аякс» ўртасидаги шартнома 2030 йилнинг ёзига қадар имзоланган. Нидерландия гранди сафида ёш ҳужумчи 7-рақам остида тўп сурадиган бўлди.
Маэр Каррисо «Велес Сарсфилд» сафида 2024 йилдан бери ҳаракат қилиб келаётган эди. У аргентиналиклар таркибида жами 52 та ўйин ўтказиб, ўз ҳисобига 11 та гол ва 3 та голли узатмани ёздириб қўйган. Айни дамда «Аякс» Нидерландия чемпионати турнир жадвалида тўртинчи ўринда бормоқда.
