"Ньюкасл" яримҳимоячиси Сандро Тонали қишки трансфер ойнасида жамоасини ўзгартиришни режалаштирмаган эди. Бу ҳақда инсайдер Фабрицио Романо хабар бермоқда.
Манбага кўра, Тонали "Ювентус" ва "Арсенал"дан қизиқиш борлиги ҳақидаги миш-мишларга қарамай, "Ньюкасл"ни тарк этиш ҳақида ўйламаган. Қолаверса, клубнинг ўзи уни январда сотмоқчи эмасди. Шу билан бирга, футболчининг режалари мавсум якунланганидан кейин ўзгариши мумкинлиги таъкидланмоқда, чунки унга бир нечта клублардан ҳақиқатан ҳам жиддий қизиқиш бор.
Тонали 2023 йилдан бери "Ньюкасл" шарафини ҳимоя қилмоқда. У жорий мавсум барча мусобақаларда 35 та ўйинда майдонга тушиб, 5 та голли узатмани амалга оширди. Футболчининг "қарғалар" билан шартномаси 2028 йилнинг ёзига қадар мўлжалланган.
