Америкалик боксчи Теренс Кроуфорд профессионал фаолиятини якунлаш қарорини қабул қилишининг асосий сабаблари ҳақида гапирди.
"Кўпчилик мендан нега нафақага чиққанимни сўрайверади. Мен бу спорт билан етти ёшимдан бери шуғулланаман. Фаолиятимни 38 ёшимда якунладим. Ўзингиздан сўранг: агар сиз 30 йил давомида танангизни дўзахга дучор қилганингизда, кетармидингиз? Шунинг учун ҳам фаолиятимни якунладим. Боксда исботлайдиган бошқа нарсам йўқ. Мен боксга боримни бердим, лекин унга соғлиғимни бермоқчи эмасман.
Агар ортга қайтишга қарор қилсам, ким билан жанг қиламан? Менинг рақибларим ва мақсадларим йўқ. Бу шунчаки спорт ва пул учун қайтаётганимни англатарди. Мен ҳеч қачон пул учун жанг қилмаганман. Мен мерос учун курашдим", - деди Теренс.
