"Барселона" яримҳимоячиси Гави тез орада жароҳатидан сўнг майдонга қайтиши мумкин. Мавсум бошида 21 ёшли футболчи тиззасидаги муаммолар туфайли операция қилинишига тўғри келганди.
Mundo Deportivo хабарига кўра, тикланиш жараёни яхши кетмоқда: ой охиридаёқ шифокорлар хавбекнинг майдонга қайтишига рухсат бериши кутилмоқда. Тез орада ёш испаниялик умумий гуруҳда машғулотларга киришади.
Гави жорий мавсум "Барселона" сафида 2 та ўйинда майдонга тушди. Ўтган йилнинг бошида футболчи Каталония гранди билан 2030 йилнинг ярмигача мўлжалланган янги шартнома имзолаган эди.
Ханс-Дитер Флик жамоаси Ла Лига мусобақа жадвалида "Реал"ни 1 очкога ортда қолдириб, пешқадамлик қилмоқда.
