«Ал-Ҳилол» ҳужумчиси Дарвин Нуньес Саудия Арабистонида қоладиган бўлди. Инсайдер Фабрицио Романонинг хабар беришича, уругвайлик футболчининг «Фенербахче»га ўтиши ҳақидаги миш-мишларга қарамай, унинг Туркияга трансфери амалга ошмайдиган бўлди. Томонлар келишувга яқин ҳам келишмаган.

Дарвин Нуньес ўтган йилнинг август ойида «Ливерпуль»дан 53 миллион евро эвазига «Ал-Ҳилол»га ўтган эди. Transfermarkt портали баҳосига кўра, ҳужумчининг ҳозирги бозор қиймати 35 миллион еврони ташкил этади. 26 ёшли футболчининг Саудия клуби билан меҳнат шартномаси 2028 йилнинг ёзига қадар мўлжалланган. «Бенфика»нинг собиқ юлдузи жорий мавсумда Ар-Риёд жамоаси сафида 22 та ўйинда майдонга тушиб, 7 та гол урди ва 5 та голли узатмани амалга оширди.