Мадриднинг «Реал» клуби «Ливерпуль» марказий ҳимоячиси Ибраима Конатени қўлга киритиш фикридан воз кечгани йўқ.

Миш-мишлар франциялик футболчини доимий равишда «қаймоқранглилар» сафига ўтиши билан боғлаб келаётган эди, бироқ ўтган йилнинг охирида Испания грандининг қизиқиши бироз сусайганди. ESPN хабарига кўра, агар «қизиллар» марказий ҳимоячиси маош ва бонуслар бўйича талабларини камайтирса, ёзга яқин у яна мадридликларнинг трансфер мақсадига айланиши мумкин. Эслатиб ўтамиз, 26 ёшли футболчининг «Ливерпуль» билан шартномаси июнь ойи охирида тугайди, шу сабабли у эркин агент сифатида текинга тушиши мумкин.

Ибраима Конате жорий мавсумда Арне Слот жамоаси сафида 31 та ўйинда майдонга тушиб, иккита гол уришга муваффақ бўлди.