Каталониянинг «Барселона» клуби собиқ ярим ҳимоячиси Кевин-Принс Боатенг унинг севимли клуби Мадриднинг «Реал» жамоаси эканлигини тан олди.
«Менинг севимли жамоам доимо «Реал» бўлган. Криштиану Роналдуни дунёда тенгсиз деб ҳисоблардим. Бироқ «Барселона» шарафини ҳимоя қилганим сабабли, матбуот анжуманларида ёлғон гапиришга мажбур бўлганман. Акс ҳолда, у ерда ўйнай олмасдим», — дея Боатенгнинг сўзларини келтирмоқда DeadlineDayLive аккаунти.
Эслатиб ўтамиз, Кевин-Принс 2019 йилда ижара асосида «Барселона»да тўп сурган. Унинг футболчилик фаолиятидаги сўнгги клуби Берлиннинг «Герта»си бўлган эди. Боатенг Гана терма жамоаси сафида 15 та ўйин ўтказиб, иккита гол урган.
