«Ал-Ҳилол» ярим ҳимоячиси Рубен Невеш қишки трансфер ойнасида Мадриднинг «Реал» клубига ўтиши мумкин эди.
Машҳур инсайдер Фабрицио Романонинг тасдиқлашича, ўтган ойда 28 ёшли футболчининг хизматлари чиндан ҳам «қироллик клуби»га таклиф қилинган. Бироқ «қаймоқранглилар» қишда ҳеч ким билан шартнома имзолашни истамаганлари сабабли Португалия терма жамоаси хавбекидан воз кечишга қарор қилишган. Чоршанба куни футболчи Саудия клуби билан амалдаги шартномасини 2029 йилнинг ўрталарига қадар узайтирди.
«Ал-Ҳилол»га ўтгунга қадар Рубен Невеш олти йил давомида Англиянинг «Вулверхэмптон» жамоасида тўп сурган, ундан олдин эса «Порту» шарафини ҳимоя қилган. Португалиялик футболчининг нархи Transfermarkt портали томонидан 25 миллион еврога баҳоланмоқда.
