Дортмунднинг «Боруссия» клуби ва Германия терма жамоаси фахрийси, ҳозирда МЛСда тўп тепаётган Марко Ройс Қозоғистонга кўчиб ўтиши мумкин. Бу ҳақда журналист Иван Карпов ўз телеграм-каналида маълум қилди.
Манбанинг хабарига кўра, 36 ёшли ҳужумчи «Актобе» клубидан таклиф олган. Яқин вақт ичида Ройс Қозоғистон клубига ўз жавобини беради.
Аввалроқ «Актобе» «Манчестер Юнайтед» ва Португалия терма жамоаси собиқ футболчиси Луиш Нани билан шартнома имзолаган эди.
Ройс 2024 йилда кўчиб ўтган «Лос-Анджелес Гэлакси» шарафини ҳимоя қилмоқда. Америка клуби таркибида у 39 та ўйин ўтказиб, 9 та гол ва 12 та голли узатмани ўз ҳисобига ёздириб қўйган.













