Бельгия футболи афсонаси Эден Азар Миланнинг «Интер» клуби ҳақида ўз фикрларини билдириб, «нерадзурри»ларнинг сўнгги йиллардаги барқарорлигини юқори баҳолади.

Азарнинг фикрича, «Интер»нинг муваффақиятлари замирида тизимли иш ётибди.

«Агар жамоа уч йил ичида икки бор (Еврокубокларда) финалга чиққан бўлса, бу албатта тасодиф эмас. Клуб раҳбарияти жуда малакали, футболчиларнинг даражаси эса юқори. «Сан-Сиро»даги муҳит ва мухлислар эса ҳақиқатан ҳам ўйин тақдирига таъсир ўтказа оладиган куч», — дейди Азар.

Шунингдек, Эден ўз вақтида «Интер»га ўтиши мумкин бўлгани ҳақидаги саволга ҳам жавоб берди. Унинг сўзларига кўра, клубнинг собиқ президенти Массимо Моратти унга бефарқ бўлмаган.

«Мен «Интер»га ўтишга яқин бўлганманми? Моратти менга тез-тез комплиментлар қилиб турарди ва ўйинимни юқори баҳоларди», — дея таъкидлади бельгиялик собиқ футболчи.