Яқинда «Манчестер Юнайтед» мавсум якунлангач, Каземиро клубни тарк этишини эълон қилди. Энди «қизил иблислар» ярим ҳимоячилар бозорини кўздан кечиришмоқда.
The Touchline нашрининг хабар беришича, манкунианликлар Мануэль Локателлини ўз сафларига қўшиб олмоқчи. Клуб аллақачон «Ювентус» хавбекининг атрофидаги инсонлар билан алоқага чиққан. Шунга қарамай, «қизил иблислар»да ёзги трансфер ойнаси учун майдон марказини кучайтириш борасида бошқа вариантлар ҳам мавжуд.
Локателлининг «Ювентус» билан амалдаги шартномаси 2028 йилнинг ўрталарига қадар мўлжалланган. Нуфузли Transfermarkt портали мутахассислари Италия терма жамоаси аъзосини 25 миллион еврога баҳоламоқда.
