Италиялик ҳужумчи Чиро Иммобиле ўз ватанини тарк этди, бироқ у қадар узоққа кетмади — у қўшни Францияда тўп сурадиган бўлди. Берган интервьюсида у нима учун айнан шундай танлов қилганини тушунтириб, Францияда ўйнашни жуда ҳам истаганини таъкидлади.

«Ҳозирда Париждан уй қидиряпман, бу ерда оилам билан яшамоқчиман. Буни ҳаммамиз хоҳлаймиз, чунки бу шаҳарни дунёдаги энг яхши жойлардан бири деб ҳисоблаймиз», — дея италиялик бомбардирнинг сўзларини келтиради derbyderbyderby.it.

Эслатиб ўтамиз, Чиронинг янги клуби — «Париж» ҳозирда Франция юқори дивизионида жон сақлаб қолиш учун кураш олиб бормоқда. Иммобиле илгари Италияда «Болонья» ва айниқса, Римнинг «Лацио» клубларидаги сермаҳсул ўйинлари билан танилган эди.