«Лион» ҳужумчиси Эндрик Криштиану Роналду ва Неймарга мурожаат қилди. Пайшанба куни португалиялик форвард 41 ёшини, бразилиялик футболчи эса 34 ёшини нишонлади. Эндрик ижтимоий тармоқлардаги саҳифасида Роналду ва Неймарнинг «Реал» ҳамда «ПСЖ» ўртасидаги эски ўйинлардан бирида тушган биргаликдаги суратини жойлаштирди.
«Туғилган кунингиз билан, кумирларим!» — деб ёзиб қолдирди Эндрик сурат остида.
Эслатиб ўтамиз, Эндрик шу қишда Мадриднинг «Реал» клубидан ижара асосида «Лион»га ўтган эди. 19 ёшли бразилиялик «тўқувчилар» сафидаги 5 та ўйинда 5 та гол урди ва 1 та голли узатмани амалга оширди. Ҳозирда «Лион» Франция Лига 1 турнир жадвалида тўртинчи ўринда бормоқда.
Ҳозирги вақтда Криштиану Роналду «Ан-Наср»да, Неймар эса ватанида — «Сантос» клубида тўп сурмоқда.













