Мадриднинг "Атлетико" клуби янги аъзоси Адемола Лукман жамоа сафида ёрқин дебют қилди. 28 ёшли ҳужумчи Испания Кубоги 1/4 финалида "Бетис"нинг тор-мор этилишига (5:0) ўз ҳиссасини қўшди — унинг ҳисобида битта гол ва битта голли узатма мавжуд.
"Лукман бизнинг барча ўйинчиларимиздан фарқ қилади, айниқса бирга-бир вазиятларда у жуда кучли. Шунингдек, у жамоадошлари билан ҳамкорликда ҳам яхши ўйин кўрсатади. Унинг фазилатлари бизга уни турли позицияларда ишлатиш имконини беради. Адемола ўзини қулай ҳис қилмоқда ва умид қиламанки, биз унга янада кўзга кўринган футболчи бўлишга ёрдам берамиз, у эса "Атлетико"нинг жамоа сифатида ўсишига кўмаклашади", — деди ўйиндан кейинги интервьюда жамоа устози Диего Симеоне.
Мадридликлар Адемола Лукманни февраль ойи бошида "Аталанта"дан 35 миллион евро эвазига сотиб олган эди.
