Каталониянинг "Барселона" клуби Ферран Торресни жамоанинг асосий ҳужумчиси сифатида кўришни режалаштирмаяпти. Бу ҳақда журналист Адриан Санчес хабар бермоқда.
Манбанинг маълумотига кўра, "кўк-анорранглилар" 25 ёшли испаниялик футболчи билан меҳнат шартномасини узайтириш ниятида — бу ҳақда аввалроқ ҳам хабар берилган эди. Бироқ журналистнинг таъкидлашича, келишув узайтирилганидан кейин ҳам Ферраннинг "Барселона"даги роли ўзгармайди — ҳужумчи аввалгидек ротация футболчиси бўлиб қолаверади.
Жорий мавсумда Торрес барча турнирларда 30 та учрашувда иштирок этиб, 16 та гол урди ва битта голли узатмани амалга оширди.
Ҳужумчининг "Барселона" билан амалдаги шартномаси 2027 йилнинг ёзига қадар мўлжалланган.
