"Арсенал" бош мураббийи Микель Артета матбуот анжумани давомида жамоадаги кадрлар билан боғлиқ вазиятга тўхталиб ўтди.

"Сака? Унинг сон қисмидаги ҳолати яхшиланди. У тез орада сафга қайтади деб умид қиламан. Эдегор тузалмоқда, бу бир неча кунлик масала. Тимбернинг ҳолати жойида — у дам олиш кунларидаги ўйинга тайёр.

Доуман? У ҳали машғулотларга киришгани йўқ. Унга бир неча ҳафта керак бўлади, лекин тикланишда ижобий ўзгаришлар бор. Мерино? У, афсуски, бир неча ойга сафдан чиқди. Биз уни қўллаб-қувватлашимиз керак, чунки у жамоага катта фойда келтиради", — деди Артета журналистларга.

Шанба куни, 7 февраль куни "Арсенал" Англия чемпионати доирасида ўз майдонида "Сандерленд"ни қабул қилади.