"Arsenal" bosh murabbiyi Mikel Arteta matbuot anjumani davomida jamoadagi kadrlar bilan bog‘liq vaziyatga to‘xtalib o‘tdi.
"Saka? Uning son qismidagi holati yaxshilandi. U tez orada safga qaytadi deb umid qilaman. Edegor tuzalmoqda, bu bir necha kunlik masala. Timberning holati joyida — u dam olish kunlaridagi o‘yinga tayyor.
Douman? U hali mashg‘ulotlarga kirishgani yo‘q. Unga bir necha hafta kerak bo‘ladi, lekin tiklanishda ijobiy o‘zgarishlar bor. Merino? U, afsuski, bir necha oyga safdan chiqdi. Biz uni qo‘llab-quvvatlashimiz kerak, chunki u jamoaga katta foyda keltiradi", — dedi Arteta jurnalistlarga.
Shanba kuni, 7 fevral kuni "Arsenal" Angliya chempionati doirasida o‘z maydonida "Sanderlend"ni qabul qiladi.
