"Кристал Пэлас" ҳужумчиси Жан-Филипп Матета мавсум якунига қадар сафдан чиқиши мумкин.
Журналист Саша Тавольерининг ёзишича, франциялик футболчи "Милан"да тиббий кўрикдан ўта олмаганидан сўнг операция қилинади ва кейинги уч-тўрт ойни ўтказиб юборади.
Манбанинг таъкидлашича, Матетада ноябрь ойидан бери тизза бўғими билан боғлиқ муаммолар мавжуд бўлган. "Милан" шифокорлари унинг ҳолатини баҳолаб, шартнома имзоламасликка қарор қилишган.
Ҳозирги вақтда Матета Англия Премьер-лигасининг жорий мавсумида 23 та ўйинда майдонга тушиб, саккизта гол уришга муваффақ бўлган эди.
