«Реал» вингери Родриго тахминан ўн кунга сафдан чиқди.

«Мадрид» клубининг хабар беришича, 25 ёшли Бразилия терма жамоаси аъзосининг ўнг оёғида пай тендинози (пай тўқималарининг яллиғланишсиз емирилиши ва заифлашиши билан боғлиқ сурункали касаллик — таҳр.) аниқланган.

«Marca» нашри маълумотларига кўра, ҳужумчининг тикланиши учун тахминан 10 кун вақт кетади. Шу тариқа, бразилиялик футболчи 8 февраль куни «Валенсия»га ва 14 февраль куни «Реал Сосьедад»га қарши ўйинларни ўтказиб юборади.

Родриго жорий мавсумда Ла Лиганинг 18 та ўйинида майдонга тушиб, 1 та гол урди ва 3 та голли узатмани амалга оширди.