"Манчестер Юнайтед" бош мураббийи Майкл Кэррик жамоа сардори Бруну Фернандешнинг роли ҳақида гапирди.
Янги мураббий португалияликни ўзи учун одатий бўлган ҳужумкор ярим ҳимоячи позициясига қайтарди. Рубен Аморим даврида капитан кўпинча таянч зонасига яқинроқ, ичкарироқда ҳаракат қиларди.
"Бруну вазиятлар яратишни билади. Менимча, у кўпроқ эркинликка эга бўлганида ўзини жуда яхши кўрсатади. Унинг ақли туғма ривожланган, лекин мен унга ҳеч қандай ёрлиқ ёпиштирмоқчи эмасман. Баъзи роллар кўпроқ эркинликни таъминлайди ва Фернандеш, унинг маҳоратини ҳисобга олган ҳолда, ижодкор футболчилар тоифасига киради, шунинг учун менинг вазифам унга керакли ҳудудларда ижод қилишига имкон беришдир", - дея Кэррикнинг сўзларини келтиради UtdDistrict.
Бруну Фернандеш голли узатмалар сони бўйича Премьер-лигада яққол пешқадамлик қилмоқда.
