Мадриднинг «Атлетико» клуби ҳужумчиси Хулиан Альварес ёзги трансфер ойнасида клубини ўзгартириш эҳтимоли катта.
Журналист Матео Мореттонинг хабар беришича, келаётган ёзда аргентиналик ҳужумчи учун аёвсиз кураш бошланади. Форвард учун «Барселона», ПСЖ ва Англия Премьер-лигасининг иккита топ-клуби рақобатлашади. Юқорида тилга олинган барча клублар январь ойидаёқ Альварес бўйича сўров юборишган.
Жорий мавсумда 26 ёшли Альварес барча турнирларда 31 та ўйинда майдонга тушиб, 11 та гол урди ва бешта голли узатмани амалга оширди.
«Transfermarkt» маълумотларига кўра, ҳужумчининг нархи 100 миллион еврони ташкил қилади.
