Аргентиналик ярим ҳимоячи Энцо Фернандес Мадриднинг «Реал» клубига эҳтимолий трансфери ҳақидаги миш-мишлар фонида Лондоннинг «Челси» клубидаги келажаги борасида фикр билдирди.
«Бу ерда ўтказган йилларим учун миннатдорман. Менга ушбу клубда бўлиш ёқади. «Челси»даг ўйнаш мени бахтли қилади. Ушбу жамоа билан совринлар ютишни истайман», — дея ярим ҳимоячининг сўзларини келтиради «ESPN Argentina».
Энцонинг «кўклар» билан шартнома мажбуриятлари 2032 йилнинг ўрталарига қадар мўлжалланган. Футболчининг трансфер қиймати 85 миллион еврога баҳоланмоқда.
Жорий мавсумда Фернандес 36 та баҳсда иштирок этиб, ўз ҳисобига 11 та гол ва тўртта голли узатмани ёздириб қўйди.
